16 лістапада – у бліжэйшую пятніцу – у 17:00 у Музеі беларускага Палесся ў Пінску адбудзецца ўрачыстае адкрыццё выстаўкі “Кракаўскія калядныя батлейкі». Выстава падрыхтавана Гістарычным музеем горада Кракаў, Генеральным консульствам РПА ў Брэсце і Польскім Інстытутам у Мінску.
Напярэдадні зімовых святаў музей запрашае дзяцей і дарослых здзейсніць падарожжа ў дзіўны свет гісторыі кракаўскіх батлеек. Гістарычны музей Кракава з 1946 года праводзіць штогадовыя конкурсы і выставы батлеек, якія вылучаюцца надзвычайнай рэлігійнай, мастацкай, патрыятычнай і гістарычнай каштоўнасцю. Рэгламент на роўных правах дапускае да ўдзелу ў конкурсе працы прафесіяналаў (архітэктары, мастакі) і мастакі-аматары. На дадзенай выставе прадстаўлены батлейкі з фондаў Гістарычнага музея горада Кракава, якія атрымлівалі найвышэйшыя ацэнкі і ўзнагароды.
У Пінску выстава будзе працаваць да 9 снежня 2018 года.
