Працягваецца кансервацыя і частковая адбудова Крэўскага замку. Стала вядома, што ў будаўнікоў скончыліся камяні. Пра гэта ў сваім фэйсбуку паведаміў журналіст Глеб Лабадзенка: „Размаўляў з рэстаўратарамі Крэўскага замка – у іх скончыліся камяні. Усе, якія раней вываліліся са сцен, паднятыя з зямлі і ахайна ўстаўленыя на месца. Але ясна, што за столькі год разбурэння шмат што расцягалі па будоўлях людзі… Цяпер шукаюць нейкае комплекснае рашэнне праблемы. але ў той жа час, рэстаўратары будуць удзячныя кожнаму, хто прывязе ў Крэва хоць колькі камянёў дыяметрам 30-50 см (можна і меншыя, ад 15 см – пойдуць у забутоўку). Нікому адмыслова паведамляць не трэба – проста кладзіце каля галоўнага ўвахода”.
Чытай больш на: https://www.racyja.com/hramadstva/u-kreve-na-adbudove-zamku-skonchylisya-k/
