Сёмы з ліку лонгплэй этна-гурта можна паслухаць і набыць на «Яндекс. Музыка», а таксама іншых музычных платформах.
Грошы на запіс трыа збірала праз платформу краўдфандынгу. Альбом запісалі на менскай студыі «Super 8».
Музыкі называюць апошнюю працу інтымнай і прысвечанай агню. У альбоме 10 трэкаў. Калі папярэдні дыск «Зімачка» (2011) запісваўся на варшаўскай «TR-Studios» у намінанта на «Грэмі» Томаша Рагулі і гучаў як аркестр, то цяперашняя праца адрозніваецца камернасцю.
