Сярод згарэлых абломкаў Нацыянальнага музея Бразіліі ў Рыа-дэ-Жанейра навукоўцам атрымалася адшукаць адзін з самых каштоўных экспанатаў калекцыі, знішчанай пажарам у пачатку верасня, – чэрап Лузіі, найстаражытныя выкапні астанкі чалавека, калі-небудзь знойдзеныя ў Амерыцы.
Як распавяла намеснік дырэктара музея Крысціяна Сэрежу, косці ацалелі дзякуючы выпадку. На шкляны кейс, дзе захоўваўся экспанат, упала металічная скрыня, зачыніўшы яго ад агню.
У выніку чэрап распаўся на кавалкі (паколькі расплавіўся злучаючы іх клей), але яго цалкам можна зноўку рэканструяваць са знойдзеных аскепкаў.
“Выдатныя навіны. Гэта проста цуд пасля трагедыі”, – цытуе Сэрежу агенцтва Рэйтэр.
