Адна з самых вядомых прац мастака Бэнксі “Дзяўчынка з паветраным шарам» самазншiчылася адразу пасля таго, як яе прадалі на аўкцыёне Сотбіс у Лондане
У 2006 годзе мастак выканаў адзіны асобнік карціны акрылавымі фарбамі на палатне. Твор быў аздоблены ў цяжкую пазалочаную раму, у якую, як высветлілася ў выніку, быў убудаваны шродэр.
Першапачаткова карціна ацэньвалася прыкладна ў 250-400 тысяч даляраў, аднак у ходзе аўкцыёну яе прадалі за 1,4 мільёна даляраў. Адразу пасля ўдару малатка ў раме ўключыўся здрабняльнік паперы, які парэзаў палатно на дробныя палоскі.
Прадстаўнікі Сотбіс ўжо звязаліся з пакупніком, ён быў “здзіўлены”, цяпер абмяркоўваюцца далейшыя дзеянні. Згодна з правіламі аўкцыёну, пакупнік мае права адмовіцца ад лота, калі ён быў пашкоджаны. Аднак не выключана, што акцыя са шродэрам толькі павысіць кошт карціны.