18 жніўня ў нарачанскай парафіі св. апостала Андрэя па традыцыі адзначылі фэст св. Роха, якога з даўніх часоў асабліва ўшаноўваюць мясцовыя вернікі.
З гэтай нагоды ўрачыстую св. Імшу, падчас якой 38 маладых парафіянаў прынялі сакрамэнт канфірмацыі, цэлебраваў Генеральны вікарый Мінска-Магілёўскай архідыяцэзіі біскуп Юрый Касабуцкі. І невыпадкова: іерарх асаблівым чынам звязаны са св. Рохам, паколькі доўгі часм быў пробашчам Залатагорскай парафіі, якая з’яўляецца, бадай што, самым вядомым у нашай краіне месцам культу святога цудатворца з Францыі.
Крынiца: catholic.by
