Зборная Германіі абыграла венграў і датэр-мінова выйшла ў плэй-офф чэмпіянату Еўропы па футболе.
У чарговым матчы групавой стадыі футбольнага Еўра, які адбыўся ў Штутгарце, каманда Германіі пераіграла венграў з лікам 2:0. Дзякуючы гэтаму поспеху бундэстым забраніравала за сабой месца ў плэй-офф.
Да гэтага венгры не саступалі немцам на працягу трох сустрэч запар (2:2, 1:1, 1:0). Але сёння іх серыя перапынілася.
На 22-й хвіліне вызначыўся Джамал Мусіала, які скарыстаўся бязладдзем у абарончых парадках венграў. А на 67-й перавагу гаспадароў кантынентальнага першынства замацаваў Ілкай Гюндаган.
Soccer Football – Euro 2024 – Group A – Germany v Hungary – Stuttgart Arena, Stuttgart, Germany – June 19, 2024 Hungary’s Peter Gulacsi in action after Germany’s Robert Andrich shoots at goal REUTERS/Lee Smith
Soccer Football – Euro 2024 – Group A – Germany v Hungary – Stuttgart Arena, Stuttgart, Germany – June 19, 2024 Hungary’s Roland Sallai scores a goal that was later disallowed REUTERS/Kai Pfaffenbach
У дададзены да асноўнага час першага тайма мяч пабываў у варотах немцаў пасля ўдару Раланда Шалаі. Але галоўны суддзя адмяніў гэты гол, скарыстаўшыся дапамогай VAR і зафіксаваўшы становішча “па-за гульнёй”.
У трэцім туры зборныя Швейцарыі і Германіі згулялі ўнічыю ў матчы групавой стадыі ЧЭ па футболе.
У адным з самых чаканых матчаў трэцяга тура групавой стадыі чэмпіянату Еўропы па футболе швей-царцы і немцы не выявілі пераможца – 1:1. Двубой каманд групы А адбыўся ў Франкфурце-на-Майне.
Раней “крыжакі” не саступалі зборнай Германіі на працягу трох вочных сустрэч запар (адна вікторыя, дзве нічые). І сёння яны, да здзіўлення многіх, падоўжылі серыю. Прычым і зусім маглі перамагчы, бо доўгі час лідыравалі – 1:0.
Швейцарская дружына вырвалася наперад пасля дакладнага ўдару Дана Ндойе (28-я хвіліна). Але Ніклас Фюллькруг (90+2), які ўступіў у гульню з лаўкі запасных, незадоўга да канца асноўнага часу прынёс гаспадарам кантынентальнага першынства нічыю.
Soccer Football – Euro 2024 – Group A – Switzerland v Germany – Frankfurt Arena, Frankfurt, Germany – June 23, 2024 Germany’s Jamal Musiala in action with Switzerland’s Fabian Schar and Fabian Rieder REUTERS/Bernadett Szabo
Гол паўабаронцы бундэстым Роберта Андрыха (17) быў адменены галоўным суддзём пасля выкарыстання VAR.
Мануэль Нойер правёў 18-ты матч у фінальных стадыях Еўра і стаў рэкардсменам па гэтым паказчыку сярод брамнікаў. Галкіпер зборнай Германіі пабіў дасягненне італьянца Джанлуіджы Буфона (17).
Яшчэ ў адным двубоі трэцяга тура ў гэтай групе вугорцы ў самай фіналі вырвалі перамогу ў шатландцаў з рахункам 1:0.
Выніковая турнірная табліца групы А выглядае так: 1. Германія – 7 ачкоў (3 сустрэчы). 2. Швейцарыя – 5 (3). 3. Венгрыя – 3 (3). 4. Шатландыя – 1 (3).
Юры БАКЯРЭНКА.
Фота: РЭЙТАР.
