У Слонімскай раённай бібліятэцы імя Якуба Коласа пабывалі ўнучка Якуба Коласа Вера Міцкевіч і праўнучка Васіліна Міцкевіч.
Калі Вера Данілаўна часты госць у Слоніме, то Васіліна Валер’еўна прыехала ў горад над Шчарай упершыню. Для іх пісьменнік Сяргей Чыгрын наладзіў невялікую экскурсію па цэнтры Слоніма. Падчас сустрэчы з чытачамі і бібліятэкарамі, са школьнікамі і настаўнікамі Вера і Васіліна Міцкевічы падзякавалі слонімцам за цёплы прыём, а таксама прэзентавалі кнігу “Табой я жыў, табой жыву…”, прысвечаную жонцы Якуба Коласа Марыі Дзмітрыеўне. Госці наведалі ў бібліятэцы музей беларускай кнігі, які складаецца з трох залаў. Першая зала, прысвечана Якубу Коласу, другая зала – літаратурнай Слонімшчыне, трэцяя – Алегу Лойку. А потым пабывалі на экскурсіі ў Жыровічах. У падарунак бібліятэцы яны пакінулі кнігі.
Паводле СМІ.
