Манфрэд Хутарэр і яго жонка павіталі беларусаў.
Новы амбасадар Германіі ў Беларусі Манфрэд Хутарэр, які прыехаў у Менск надоечы, запісаў відэазварот да беларусаў, у якім прызнаўся, што даўно хацеў працаваць у нашай краіне.
Відэазварот, апублікаваны на старонцы “Фэйсбуку” пасольства, амбасадар запісаў разам са сваёй жонкай на рускай і беларускай мовах.
– Дорогие друзья, моя жена и я рады быть в Беларуси, где в ближайшие годы я буду работать в качестве посла. Я очень хотел приехать сюда и даже немного выучил белорусский язык, – сказаў Манфрэд Хутарэр. – Я, як пасол, прыкладу ўсе сілы для таго, каб адносіны паміж нашымі краінамі і далей развіваліся ў пазітыўным ключы. Мы рады знаходжанню ў Беларусі.
– Мы ўжо шмат разоў наведвалі Беларусь і былі ўражаныя тым, якая разнастайная і прыгожая ваша краіна, – дадала жонка амбасадара.
