Міністэрства адукацыі выказала спачуванні ў сувязі з трагедыяй, што здарылася ў сярэдняй школе № 2 г. Стоўбцы (Менская вобласць). „Суперажываючы і падзяляючы боль і горыч ад незаменнай страты, перадаем самыя глыбокія спачуванні родным і блізкім загінулых”, — гаворыцца ў паведамленні на сайце міністэрства. Паведамляецца таксама, што ў сувязі з трагедыяй будуць прынятыя меры бяспекі і прапускнога рэжыму ў школах. На месцы трагедыі працуюць прадстаўнікі Мінадукацыі, раённага і абласнога упраўленняў адукацыі, псіхолагі. Аказваецца псіхолага-педагагічная дапамога вучням і бацькам. Сем’ям загінулых і пацярпелых пры нападзе ў школе ў Стоўбцах аказаная матэрыяльная дапамога. Усе меры па аказанні неабходнай дапамогі знаходзяцца на асабістым кантролі міністра адукацыі Ігара Карпенкі. belapan.by
Чытай больш на: https://www.racyja.com/hramadstva/minadukatsyi-u-shkolakh-buduts-prynyatyya/
