Апошнія навіны пра помнік Гедыміну ў Лідзе:
1. Усталяваць помнік заснавальніку Ліды плануюць у жніўні гэтага году, а адкрыць – у верасні на свяце горада.
2. Трохтонная бронзавая скульптура будзе ўсталявана каля Лідскага замка на пастамент з граніту бардова-шэрага колеру з Ладажскага радовішча.
3. Праект рэалізуецца выключна за кошт пазабюджэтных, бязвыплатных (спонсарскіх) ахвяраванняў грамадзян і арганізацый, у тым ліку заробленых лідчанамі на суботніках.
4. На апошнім пасяджэнні мастацкага савета аўтары помніка прадставілі рабочую мадэль помніка ў маштабе 1: 4, якая была прынята аднагалосна.
5. Рабочую мадэль цяпер перавязуць на Мінскі мастацкі камбінат, дзе да красавіка вырабяць помнік у мяккім матэрыяле ў поўную велічыню і толькі потым адліюць з бронзы.
