Беларусы Нью-Ёрку 2 снежня адсвяткавалі 98-я ўгодкі Слуцкага Збройнага Чыну.
Імпрэза адбылася ў беларускім цэнтры пры саборы св. Кірылы Тураўскага ў Брукліне і была зарганізавана Бруклінскім аддзелам Беларуска-Амерыканскага Задзіночання.
Святкаванне пачалося з малебну ў памяць Слуцкіх герояў. Святочную імпрэзу адкрыў старшыня Бруклінскага аддзелу БАЗА Сяргей Кудзеліч, які выказаў словы ўдзячнасці героям-случчакам за іх смелы і самаахвярны подзвіг Потым было зачытана віншаванне Старшыні Рады БНР Івонкі Сурвіллы. У асноўнай частцы імпрэзы быў даклад “Слуцкі Збройны Чын. Як гэта было”, які зачытала сяброўка Бруклінскага аддзелу Таццяна Бурак. Пасля чаго прысутныя праглядзелі ўрывак з фільма “На чорных лядах”.
Хочаце ведаць больш?
