Шырокія штаны з летняга гардэроба перайшлі ў восеньскі і надзейна там атабарыліся. І хай дажджлівае надвор’е вас не палохае – такія штаны пэцкаюцца цалкам гэтак жа, як звыклыя абліпальныя і прамыя варыянты. А вось глядзяцца куды эфектней. Гераіні хронік стрытстайла даказваюць гэта на ўласным прыкладзе, апранаючы замест вузкіх джынсаў шырокія штаны з дэніму або камбінуючы шырокія клецістыя варыянты з футболкамі і ўтульнымі швэдрамі. Вось яшчэ некалькі парад, якія варта ўзяць на аловак гэтай восенню.
Шырокія штаны ў клеткуапранайце з пінжакамі ў тон і з простымі белымі цішоткамі. І не забудзьцеся пра сумку-пакет і лаканічны ланцужок на шыю.
Калі вам падабаюцца шырокія штаны з дэніму, выбірайце скарочаныя варыянты і насіце з брутальнымі чаравікамі. Каб не змерзнуць, накідвайце футра або неонавы пухавік.
Максімальна шырокія штаны выдатна будуць глядзецца з кедамі і красоўкамі, а каб крыху палепшыць асенне-зімовую шэрасць за акном, выбірайце штаны з яркімі ўстаўкамі ў духу пэчворк.
Яшчэ адна бяспройгрышная пара – шырокія штаны і кляцістая кашуля. Самы восеньскі і заўсёды актуальны тандэм. Накідвайце паліто аверсайз, кажух або ваксаваную парку, каб не змерзнуць, і атрымлівайце асалоду ад кампліментаў.
глядзі больш
