Французскія футбалісты сталі двухразовымі чэмпіёнамі свету.
Зборная Францыі абыграла каманду Харватыі і стала чэмпіёнам свету па футболе.
Яркі, напружаны і відовішчны паядынак адбыўся ў нядзелю на стадыёне “Лужнікі” ў Маскве.
Зборная Францыі стала чэмпіёнам свету ў другі раз у гісторыі. У мінулы — французы перамаглі ў фінале ЧС у 1998 годзе.
Каманда Францыі адкрыла лік на 18-й хвіліне першага тайма дзякуючы аўтаголу Марыё Манджукіча, праз дзесяць хвілін Іван Перышыч зраўняў лік.
Аднак на 38-й хвіліне французы дзякуючы пенальці, рэалізаванаму Антуанам Грызманам, выйшлі наперад. Першы тайм завяршыўся з лікам 2:1.
У другім тайме галы ў вароты Харватыі забілі Поль Пагба (на 59-й хвіліне) і Кіліан Мбапэ (на 65-й).
Нападаючы зборнай Харватыі Марыё Манджукіч вызначыўся голам на 69-й хвіліне сустрэчы. Аднак больш харватам не ўдалося забіць.
У выніку матч завяршыўся з лікам 4:2 на карысць французаў.
Такім чынам, зборная Харватыі заняла другое месца на ЧС, на трэцім размясцілася каманда Бельгіі.
Раней лепшым вынікам харватаў на ЧС было трэцяе месца ў 1998 годзе.
Крынiца: sputnik.by