З 27 па 29 сакавіка Лідскі гістарычна-мастацкі музей прыняў удзел ў Міжнароднай выстаўцы-кірмашы турыстычных паслуг “Адпачынак-2025” на Менск-Арэне.
Ад Дома Валянціна Таўлая з удзелам “Францішка Скарыны” прайшоў інтэрактыў па напісанні пяром з чарнілам, а таксама майстар-клас па вырабе вераб’я ў тэхніцы арыгамі, па матывах напісання першага верша “Верабейкі” Валянціна Таўлая ў Лідзе ў 1923 годзе і інш.
Разам з тым наведвальнікі мелі магчымасць акунуцца ў той час, калі Францішак Скарына пісаў гусіным пяром, выводзіў літары на аркушы, на васковых дошчачках і г.д. Такім чынам наведвальнікі запрашаліся ў старажытны горад Ліду на Дзень беларускага пісьменства – 2025.
ТК “Культура Лідчыны”.
