25 жніўня ў аграгарадку Дворышча прайшло свята мукі “Дварышчанскі млынар”.
Адбылося яно на турыстычным комплексе “Вольны мельнік”, які сёння з’яўляецца адным з самых папулярных месцаў адпачынку ў Лідскім раёне і названы ў гонар млына, які стаіць тут жа.
На свяце праходзіў конкурс “Дварышчанскія прысмакі”, дзе гаспадынькі аграмястэчка прадставілі шмат розных страў з мукі.
Усіх гасцей свята чакала канцэртная праграма лепшых артыстаў Лідчыны. Песні гучалі шчырыя ды вясёлыя! На свяце была прадстаўлена тэатралізацыя “Жаніцьба млынара”.
Маленькія ўдзельнікі свята маглі павесяліцца на дзіцячай пляцоўцы, пагойдацца на атракцыёнах. Кожны ахвочы мог набыць сувеніры ад майстроў народных промыслаў, паўдзельніцаць у майстар-класах па побытавых танцах, лепцы з салёнага цеста.
А напрыканцы свята ўсіх чакала супер-бітва волатаў мяшкамі з мукой “Мукабойня”!
Наш кар.
