Наша Слова штодзень
Наша Слова штодзень
Share
You are reading
Для ЦЭ амаль 22% беларускіх адзінаццацікласнікаў выбралі беларускую мову

Для ЦЭ амаль 22% беларускіх адзінаццацікласнікаў выбралі беларускую мову

17 мая 2023, 07:05 Мова 5
Для ЦЭ амаль 22% беларускіх адзінаццацікласнікаў выбралі беларускую мову

Пра гэта паведаміў БелТА дырэктар Рэспубліканскага інстытута кантролю ведаў Юрый Міксюк.

– Для ўдзелу ў цэнтралізаваным экзамене зарэгістравана 53 316 чалавек. Большасць з іх – 41 776 школьнікаў – выбралі для выпрабаванняў рускую мову, 11 509 – беларускую, – распавёў Юрый Міксюк.

Экзамен стартаваў па ўсёй краіне адначасова 14 траўня ў 11.00. Выпускнікі цэнтралізавана ў суправаджэнні  педагогаў прыбылі у пункты ЦЭ за гадзіну. Варыянты экзаменацыйных заданняў засакрэчаныя, яны былі дастаўлены фельд’егерскай службай непасрэдна ў пункты здачы. Такіх па краіне налічваецца 144.

Удзельнік ЦЭ, які не з’явіўся на выпрабаванне або вызвалены ад яго непасрэдна падчас экзамену па ўважлівых прычынах (захворванне або іншыя не залежныя ад навучэнца абставіны, пацверджаныя дакументальна), зможа здаць ЦЭ ў рэзервовыя дні ці іншыя тэрміны. Першы этап рэзервовых дзён адбудзецца 23 і 25 траўня, другі этап запланаваны на 13 і 15 ліпеня, трэці – на 21 і 23 жніўня. Неабходна памятаць, што тыя, хто здае цэнтралізаваны экзамен у жніўні ўдзельнічаць у прыёмнай кампаніі ў ВНУ не змогуць, пайсці вучыцца можна будзе толькі ва ўстановы прафесійна-тэхнічнай адукацыі.

Інфармацыю аб выніках ЦЭ можна будзе атрымаць на сайце Рэспубліканскага інстытута кантролю ведаў. Сертыфікат удзельніку выдадуць у яго ўстанове агульнай сярэдняй адукацыі пад подпіс пры прад’яўленні дакумента, які сведчыць асобу.                                                    

 БелТА.

Facebook Twitter Google+ VKontakte WhatsApp Telegram
Папулярнае на сайце
Родная мова вызначае здольнасць успрымаць музыку
Мова

Родная мова вызначае здольнасць успрымаць музыку

17 мая 2023, 06:4953
Беларускі Жуль Верн
літаратура

Беларускі Жуль Верн

17 мая 2023, 06:3451
Навіны Германіі. Прэс-рэліз: "Пункт гледжання. Слова экспертам з Германіі"
Грамадства

Навіны Германіі. Прэс-рэліз: "Пункт гледжання. Слова экспертам з Германіі"

11 мая 2023, 22:2537
Навіны Германіі. Гарады Германіі: Глюксбург
У свеце

Навіны Германіі. Гарады Германіі: Глюксбург

17 мая 2023, 06:4236
Далучайцеся да нас