Каб зменшыць цяжар на вузкіх спецыялістаў паліклінік, кансультатыўную дапамогу будуць аказваць прыёмныя аддзяленні бальніц, паведаміў міністр аховы здароўя Уладзімір Каранік на тэлеканале „Беларусь 1” 12 жніўня. „Вузкія спецыялісты — яны ў пагалосцы. Да іх немагчыма трапіць або складана трапіць. Іх не хапае ў паліклініках. Зараз ідзе мадэрнізацыя прыёмных аддзяленняў, для таго каб яны аказвалі ў тым ліку кансультатыўную дапамогу”, — адзначыў міністр. Ва ўрачоў стацыянара, паводле слоў Караніка, будуць дадатковыя стаўкі, яны будуць кансультаваць у прыёмных аддзяленнях шматпрофільных бальніц. „Гэта будзе больш якасная спецыялізаваная дапамога. Ён (урач. — БелаПАН.) будзе разумець, што ў яго за спінай дыягнастычныя магчымасці клінікі. Пацыент можа звярнуцца туды, атрымаць рэкамендацыі, накіраванні на абследавання і фінальную кансультацыю пасля абследавання. Гэта таксама зніме цяжар з паліклінік”, — лічыць чыноўнік.
belapan.by
