21 лютага ўвесь свет адзначыў дзень роднай мовы. Але найбольш актуальная гэта дата для Беларусi. Яно і зразумела. Толькі 21 лютага беларускія тэлевядучыя размаўляюць па – беларуску. Толькі 21 лютага адчуваеш, што жывеш у Беларусі, ганарышся сваёй Радзімай. Я нікога не прымушаю любіць беларускую мову, а тым больш размаўляць на ёй. На вялікі жаль, асноўная маса насельніцтва з ранняга дзяцінства знаходзіцца ў рускім асяроддзі і рэдка карыстаецца роднай мовай. Маё ж дзяцінства было чыста беларускім. Таму я і адношуся да беларускай мовы адпаведна, то бок з вялікай павагай. Таму і дзень гэты для мяне асаблівы. Самае ж непрыемнае заключаецца у тым што пасля 21 лютага наступіць 22-ое і казка скончыцца. І доўгіх 365 дзён трэба будзе правесці ў чаканні наступнага свята. А ў маім узросце можна і не дачакацца. Таму самая мая вялікая мара заключаецца ў тым, каб дзень роднай мовы быў 365 разоў на год!
асабiстае меркаванне
З надзеяй на лепшае,
Вяслаў Ярмак
