У выдавецтве “Беларуская навука” выйшла кніга нябожчыка сп. Юрыя Бохана пад назвай “Мястэчкі і працэсы ўрбанізацыі на землях Беларусі ў ХV-XVII ст. ст. Наклад манаграфіі 200 асобнікаў. Рэцэнзентамі кнігі з’яўляюцца прафесары Ігар Марзалюк і Валянцін Голубеў. Укладальнік – кандыдат гістарычных навук – М. Волкаў. Нажаль аўтар кнігі памёр 13 сакавіка 2017 года…
Асноўную частку выдання складае кандыдацкая дысертацыя Юрыя Мікалаевіча Бохана “Мястэчкі вярхоўяў Віліі і Нёманскай Бярэзіны ў ХV-XVII ст. ст. (па археалагічных і пісьмовых крыніцах), якая была абаронена ў 1994 г., але да гэтага часу не дачакалася публікацыі. У ёй на матэрыяле рэгіёна разглядаюцца мястэчкі, як адна з найважнейшых форм урбаністычных паселішчаў, што спрыялі гаспадарчаму развіццю навакольных зямель! У астатняй частцы кнігі сабраны апублікаваныя артыкулы сп. Бохана па праблеме ўрбаністкі.
Манаграфія разлічана на прафесійных гісторыкаў, выкладчыкаў, студэнтаў, і ўсіх, хто цікавіцца гісторыяй ВКЛ і Беларусі. Кнігу можна набыць у сталічнай краме “Акадэмкніга” ўсяго за 12 рублёў.
Аляксей Шалахоўскі,
гісторык культуры.
Манаграфія пра мястэчкі
