• Навіны
  • Грамадства
  • Мова
  • ТБМ
  • Культура
  • Навука
  • Выданні
  • Спорт
  • У свеце
Наша Слова штодзень
  • 19 лютага 2019
  • Пра нас
  • Кантакты
  • Рэкламадаўцу
Наша Слова штодзень
  • Навіны
  • Грамадства
  • Мова
  • ТБМ
  • Культура
  • Навука
  • Выданні
  • Спорт
  • У свеце
Share
You are reading
29 студзеня – вернісаж выставы “Наша памяць”

29 студзеня – вернісаж выставы “Наша памяць”

25 студзеня 2019, 11:34 Грамадства, Культура, Навіны, У свеце 0
29 студзеня – вернісаж выставы “Наша памяць”

Беларускае гістарычнае таварыства і Kamunikat.org запрашаюць на вернісаж выставы “Наша памяць”. Пачатак а 12-ай гадзіне 29 студзеня 2019 года ў Залешанах.

«Наша памяць» – праект, ініцыятарам якога выступіла Беларускае гістарычнае таварыства разам з Фондам Kamunikat.org. Гэтая ініцыятыва адкрытая на ўсіх, нягледзячы  на арганізацыйную прыналежнасць, веравызнанне, нацыю і палітычныя погляды. Права на гісторыю і памяць маюць усе грамадзяне Польшчы. Цікавіць аўтараў праекта перш за ўсё гісторыя пасляваенных польска-беларускіх адносін на Падляшшы. «Наша памяць» – гэта памяць пра тое, што ў гэтых адносінах здарылася сапраўды, а што ніколі здарыцца не павінна. Ініцыятары праекта хочуць ушанаваць памяць беларускіх ахвяр дзеянняў, якім характэрны прыкметы генацыду і этнічных чыстак, клапоцяцца пра магілы ахвяр і хочуць узвесці помнікі, на якіх будуць змешчаны надпісы таксама на беларускай мове, паколькі тыя людзі загінулі як беларусы. Таксама ў планах выдаваць зборнікі дакументаў – як архіўных, так і апублікаваных, але раскінутых па розных выданнях, расказаў сведак здарэнняў, а таксама весці адукацыйную акцыю праз пасрэдніцтва ўсіх магчымых сродкаў масавай інфармацыі. Пачаткам стала вызначэнне фактычнага стану месцаў ушанавання ахвяр. У першую чаргу саставілі дакументацыю месцаў памяці, якія ўвекавечваюць самыя трагічныя здарэнні – пацыфікацыю беларускіх вёсак спецатрадам Нацыянальнага вайсковага задзіночання, званым 3-й Віленскай брыгадай НВЗ, пад камандаваннем капітана Рамуальда Райса, псеўданім «Буры». 13 жніўня 2018 года ініцыятары праекта былі ў Лазіцах, Вітаве, Вілюках і Залешаных. У Залешаны вярнуліся 28 жніўня і адтуль пайшлі па маршруце Залешаны – Краснае Сяло – Вулька-Выганоўская – Кліхі – Пухалы-Старыя. 17 верасня правялі даследаванні ў Малешах, Шпаках і Занях. Здымкі з гэтых паходаў якраз і будуць прадстаўлены на выставе. Папоўняць іх архіўныя фатаграфіі з калекцыі ўдзельнікаў праекта і ведамаснага архіва Інстытута нацыянальнай памяці ў Беластоку. Ахвотных аказаць дапамогу ініцыятыве просім пералічыць узносы на рахунак:  70 1240 5211 1111 0000 4930 2882 Białoruskie Towarzystwo Historyczne  15-449 Białystok, ul. Proletariacka 11  NIP 542-19-52-692

Чытай больш на: https://www.racyja.com/sumezhzha/29-studzenya-vernisazh-vystavy-nasha-pa/

Facebook Twitter Google+ VKontakte WhatsApp Telegram
Папулярнае на сайце
“Сон пра Варшаву”: да 80-годдзя з дня нараджэння Чэслава Немэна
Грамадства

“Сон пра Варшаву”: да 80-годдзя з дня нараджэння Чэслава Немэна

13 лютага 2019, 11:2226
Тэксты 12-й Агульнанацыянальнай дыктоўкі, рэкамендаваныя ТБМ
Мова

Тэксты 12-й Агульнанацыянальнай дыктоўкі, рэкамендаваныя ТБМ

12 лютага 2019, 09:1125
«J:морс» прэзентуе новую праграму «Крылы»
Грамадства

«J:морс» прэзентуе новую праграму «Крылы»

13 лютага 2019, 11:1925
Смак роднае мовы
Мова

Смак роднае мовы

13 лютага 2019, 11:2324
Далучайцеся да нас